ஒருவருக்கு ஏற்படுகின்ற உளவியல் சார்ந்த பிரச்சினை, சிக்கல் களுக்கு உதவுகின்ற செயற்பாட்டிற்கு ஆங்கிலத்தில் உழரளெநடடiபெ எனக் கூறப்படுகின்றது. இதனைத் தமிழ் மொழியில் கூறும்போது தென்னிந்தியாவில் இருந்து தமிழில் வெளிவருகின்ற உளவியல் சார் புத்தகங்களில் "ஆற்றுப்படுத்தல்' என்ற சொல் பயன்படுத்தப்படு கின்றது. அதேபோன்று இலங்கை தேசிய கல்வி நிறுவகத்தின் வெளியீடுகளில் "வழிகாட்டலும் ஆலோசனையும்" என்ற சொற்பிர யோகம் பயன்படுத்தப்படுகின்றது. அவ்வாறே யாழ்ப்பாணப் பல்கலைக்கழகத்தின் கல்வி சார் வெளியீடுகளில் "சீர்மியம்" என்ற சொல் பயன்படுத்தப்படுகின்றது. மேலும் இந்தியாவிலும் இலங்கை யிலும் ''உளவளத்துணை" என்ற சொற்பிரயோகமும் பயன் படுத்தப்பட்டு வருவதை அவதானிக்க முடியும். மேற்குறிப்பிடப்பட்ட சொற்பிரயோகங்களில் "உளவளத் துணை" என்ற பதமே மிகப் பொருத்தமாகும்.
மனிதன் தனது நாளாந்த வாழ்க்கையில் பல்வேறு வகையான பிரச்சினைகளை எதிர் கொள்ள வேண்டியவனாக இருக்கின்றான். இவ்வாறு எதிர்கொள்ளும் பிரச்சினைகள் அவனை அனுபவத்தைக் கற்றுக்கொள்ளவும், அதிலிருந்து சில பாடங்களைக் கற்றுக்கொள்ளவும் உதவி செய்கின்றது. ஆதலால் பலர் தனக்கு வாழ்க்கையில் ஏற்படுகின்ற பிரச்சினைகளை தானே தீர்த்துக் கொண்டு வாழ்க்கையில் முன்னேறிச் செல்கின்றனர். அதே வேளை சிலர் பிரச்சினைகளுக்கு முகம் கொடுக்க முடியாமல் உளவியல் தாக்கத்திற்கும் உள நெருக்கீடுகளுக்கும் உட்பட்டு தனது நாளாந்த வாழ்க்கையினை இயல்பாக கொண்டு செல்ல முடியாமல் தவித்துக் கொண்டு பெரும் சிரமத்திற்கு உள்ளாகி வருகின்றான். இதனால் தனது நாளாந்த வாழ்க்கையில் தானும் பல்வேறு துன்பத்திற்கு உள்ளாகி ஏனையவர்களையும் அப்பிரச்சினைகளுக்கு உட்படுவதையும் வாழ்க்கையில் நாளாந்தம் அவதானிக்க கூடியதாக உள்ளது.
அவ்வாறு பிரச்சினைகளுக்கு உட்படும் போது அவனது உணர்வுகள் மேலோங்குகின்றது. அதே வேளை அவனது சிந்தனையில், பார்வையில் (நோக்குகின்றவிதம்), நடத்தையில் பிறழ்வு ஏற்படுகின்றது. இவ்வாறான நிலையிலுள்ளவர்களுக்கு உளவளத்துணை செயற்பாட்டின் மூலம் அவரது சிந்தனையில், பார்வை, உணர்வு, நடத்தையில் மாற்றத்தை ஏற்படுத்தி அவருக்குள் இருக்கின்ற சக்தி, ஆற்றல், திறமைகள் என்பனவற்றைப் பயன்படுத்தி அவரை தன்னுடைய பிரச்சினைகளை தானே தீர்த்துக் கொள்ள உதவி செய்யும் ஒரு செயன்முறையை நாம் உளவளத்துணை செயற்பாட்டில் பயன்படுத்துகின்றோம்.
உளவளத்துணை பற்றி பலர் பல கருத்துக்களையும், வரைவிலக்கணங்களையும் முன்வைத்துள்ளனர். அமெரிக்க உளவியல் சங்கம் இத்துறையை பின்வருமாறு வரைவிலக்கணப்படுத்தியுள்ளது. ஒருவர் தனது உளவளங்களின் முழுமையான விருத்தியை நோக்கி செல்கின்ற பயணத்தில் தான் எதிர்கொள்ளும் தடைகளை வெற்றி கொள்ள அவருக்கு அளிக்கும் தொடர் செயற்பாட்டு உதவியே உளவளத்துணையாகும். வரைவிலக்கணமானது உள ஆற்றுபடுத்துதலை வளர்ச்சி அனுபவமாக நோக்குகின்றமை நல்ல அம்சமாகக் காணப்படுகின்றது. அதாவது சேவைநாடியின் வளர்ச்சிக்கு, விருத்திக்குத் துணை புரிதலே உள ஆற்றுப்படுத்தலாகும் என்பது இதன் கருத்தாகும்.
குரோ என்ற உளவியலாளரின் கருத்துப்படி வாழ்க்கையை சீரமைத்துக்கொள்வதற்கு உதவி தேவைப்படும்போது அதற்கு தகுதியுள்ள ஒருவரினால் அளிக்கப்படும் உதவி வழிகாட்டல் நடவடிக்கையே உளவளத்துணை என்கின்றார்.
பிரித்தானிய நாட்டைச் சேர்ந்த “எனி ஜோன்ஸ்” என்பவர் உளவளத்துணை என்பது “சக்தியை பெற்றுக்கொடுக்கும் செயல் நடவடிக்கை ஒன்றாகும்” என சுருக்கமான அடிப்படையில் வரைவிலக்கணப்படுத்தியுள்ளார்.
கார்ல்ஸ்ரோஜர் தனது வரைவிலக்கணத்தில் “உளவளத்துணை என்பது ஒருவருக்கு அவரைப்பற்றிய தெளிவை ஏற்படுத்தி அதற்கமைய அவர் எதிர்நோக்கும் பிரச்சினைகளை அவரே தீர்த்துக்கொளவதற்கு வழங்கப்படும் உதவியாகும்”என்கின்றார். இவ்வாறு வேறுபட்ட உளவியளாளர்கள் பல்வேறு பட்ட கருத்துக்களை வழங்கியிருந்த போதிலும் பொதுவாகப் பார்க்கும் போது உளவளத்துணை என்பது பிரச்சினைக்கு உட்பட்ட ஒரு நபருக்கு அவரிடமே மறைந்திருக்கும் வளமான திறன்கள், பலம் ஆகியவற்றை வெளிக்கொணர்வதன் மூலம் அவருக்கு அந்த பிரச்சினையை தீர்த்துக் கொள்வதற்கு வழியமைத்துக் கொடுக்கும் ஒரு பொறிமுறையை உளவளத்துணை எனலாம்.
உளவளத்துணை என்பது வாழ்க்கையை சீரமைத்துக்கொள்வ தற்கு ஒருவருக்கு உதவி தேவைப்படும்போது அதற்குத் தகுதி யுள்ள ஒருவரினால் அளிக்கப்படும் உதவி, வழிகாட்டல். -குரோவும்-
உளவளத்துணை என்பது சக்தியைப் பெற்றுக்கொடுக்கும். நடவடிக்கை ஒன்றாகும். -எனிஜோன்ஸ் -
உளவளத்துணை என்பது உளவளத்துணையாளர் ஒருவருடன் கலந்துரையாடுவதன் மூலம் பிரச்சினைகளுக்கு தீர்வு காணப் பயன்படுத்தப்படும் நுட்பமாகும். -போர்டின்-
உளவளத்துணை என்பது ஒருவருக்கு அவரைப் பற்றிய தெளிவை ஏற்படுத்தி அதற்கமைய அவர் எதிர்நோக்கும் பிரச்சினைகளை அவரே தீர்த்துக்கொள்வதற்கு வழங்கப்படும் உதவியாகும். -கார்ல் ரோஜர்ஸ்-
உளவளத்துணை என்பது வாழ்க்கையில் எதிர்நோக்கும் ஒவ்வொரு அனுபவங்களையும் வெற்றிகரமாக எதிர் கொள்ளக் கூடிய ஆற்றலை ஒருவரிடத்தில் விருத்தி செய்ய உதவி வழங்கும் செயன்முறையாகும். -ஆன் ஜோன்ஸ்-
உளவளத்துணை என்பது எல்லா சந்தர்ப்பங்களிலும் உறுதி யான முடிவுகளை எடுப்பதற்கு வழங்கப்படும் உதவியாகும். -எஸ் மொரிசன்-
No comments:
Post a Comment